#تعالوا_نتعلم "بين الطيبة والرغبة في الانتقام"

أكبر كارثة ممكن تعملها في بني آدم إنك تخليه في صراع بين أصله الطيب وبين رد الفعل اللي المفروض يعمله علشان مايبقاش ( أهبل والناس تستعبطه) أقرب مثال لما الابن يكون بار بأهله فيضغطوا عليه زيادة وأقل غلطة منه يبقي عقابها شديد.. ومايقدروش يفتحوا بقهم مع الابن العاق.. مثال تاني.. لشخص بيكظم غيظه وقت الغضب وصبور وحليم فاضغط عليه بشكل غير أخلاقي بالكلام واللمز والأفعال.. في حين ان شخص تاني بيرد عليك ولسانه كرباج ماتقدرش تفتح عينك فيه .. شخص بيتقي الله في تعامله معاك فتقول عليه ده أهبل وهيستحمل وشخص تاني بيلففك حوالين نفسك فتبقي تحت رجليه !! الصراع ده صعب ومميت جدا نفسيا !! بيبقي الإنسان يعافر بين فطرته وأخلاقه ودينه وبين إحساسه إنه عاوز ياخد حقه ويشفي صدره بين الثقه في وعود الله وأخذ الحق بقوة أو المسامحة بإحسان وبين لحظات الانتقام الشيطاني ماتسألوش الناس بتتغيروا ليه غير لما تشوفوا حصاد أفعالكم معاهم !!